நமது கட்சியைப் பற்றி

லட்சிய ஜனநாயகக் கட்சி (எல்.ஜே.கே.), புதுச்சேரியின் முழுமையான வளர்ச்சிக்காகவும், மேம்பாட்டுக்காகவும் தன்னை முழுமையாக அர்ப்பணித்துக் கொண்ட கட்சி. மற்ற அரசியல் கட்சிகளைப் போல சாதிய ரீதியாக வேர் எடுத்து நிற்கும் சாதாரண கட்சியல்ல லட்சிய ஜனநாயகக் கட்சி. புதுச்சேரியில் தற்போது நிலவும் சிண்டிகேட் ராஜ்ஜியத்தை ஒழித்து, புதுச்சேரியின் தேக்கநிலையை நீக்கி, புதிய சீர்மிகு அரசை உருவாக்குவதுதான் லட்சிய ஜனநாயகக் கட்சியின் நோக்கம்.

சிறந்த ஆட்சிநிர்வாகத்தை வெறும் வாய் வார்த்தைகளால் உருவாக்க முடியாது. தொழில்முறையிலான சீரிய திட்டங்களால்தான் சிறந்த அரசை, சீர்மிகுந்த அரசாட்சியை உருவாக்க முடியும் என லட்சிய ஜனநாயகக் கட்சி நம்புகிறது. மணலில் தொடங்கி செயற்கைக்கோள் வரை என்பது எங்களது சிந்தாந்த அணுகுமுறை. அந்த அடிப்படையில்தான் ஐந்தாயிரம் மாணவர்களை ஒருங்கிணைத்து செயற்கைக்கோள்களை வடிவமைக்க வைத்தோம். புதுச்சேரி நிர்வாகத்துக்காக ரயில்வே சுற்றுலாவை புரட்சிகரமாக மேம்படுத்தியுள்ளோம்.